Бурыстарың тураһында белеп, ваҡытында түләргә кәрәк

Рәсәй Федераль суд приставтары хеҙмәтенең БР буйынса идаралығы суд приставтары башҡарыу эшенең барышы һәм бурыстары тураһында белергә мөмкинлек биргән сервистар тураһында граждандарҙың иҫенә төшөрә.

Башҡортостанда йәшәүселәр бул-ған бурыстары тураһында иң ҡулайлы ысулдарҙың теләһә ҡайһыһы – интернет ярҙамында ла, суд приставтары бүлегенә барғанда ла белергә һәм түләргә мөмкин. Граждандарға Федераль суд приставтары хеҙмәте тарафынан бирелеүсе электрон системалар һәм сервистарҙың тулы исемлеге менән танышып, һәр кем үҙенә оҡшағанын һайлай ала. Улар тураһында белеү мөһим, сөнки бурыстарҙы ваҡытында түләү бурыслыға һәм уның мөлкәтенә ҡарата мәжбүри саралар ҡулланыуҙан аралап ҡаласаҡ.

Башҡарыу эштәренең мәғлүмәттәр банкы

Был ресурс Федераль суд приставтары хеҙмәтенең БР буйынса идаралығының http://r02.fssprus.ru/ рәсми сайтында урынлашҡан һәм бурыстар тураһында мәғлүмәт алырға ғына түгел, ә уларҙы ваҡытында ҡапларға ла мөмкинлек бирә. Бурыс булыу-булмауы тураһындағы мәғлүмәтте интер-актив режимда алыу өсөн махсус графаға исем-шәрифтәрҙе йәки баш-ҡарыу эшенең номерын индерергә кәрәк. Бер-ике минут – һәм башҡарыу эштәре буйынса тулы мәғлүмәт экранда күренәсәк. “Оплатить” төймәһенә баҫыу интернет аша компьютерҙағы кеүек үк кеҫә телефоны аша ла онлайн-түләүҙе бойомға ашырыр- ға мөмкинлек биреүсе электрон түләү системаларының тулы исемлеген күр-һәтәсәк.

Күп кенә сервистар һәм механизмдар башҡарыу эше барышында килеп тыуған бәхәсле һорауҙарҙы хәл итергә мөмкинлек бирә.

Башҡарыу эше яғының шәхси кабинеты һәм Берҙәм дәүләт хеҙмәттәре порталы

“Сервисы” ҡушымтаһындағы https://lk.fssprus.ru/ds_cabinet/action/login “Личный кабинет стороны исполнительного производства” мәғлүмәт сервисы ярҙамында Берҙәм порталға инергә һәм, башҡарыу эшенең булыу-булмауы тураһындағы мәғлүмәтте лә индереп, физик шәхестәр һәм юридик ойошмаларға ҡарата баш-ҡарылыуҙағы башҡарыу эштәре буйынса мәғлүмәт, физик шәхестәр һәм юридик ойошмаларға ҡарата һалын-ған сикләүҙәр (тыйыуҙар) тураһында, шулай уҡ башҡарыу эшенең барышы тураһында мәғлүмәттәр алырға мөмкин. Әлеге ваҡытта башҡарыу эше яҡтарының суд приставтары тарафынан сығарылыусы процессуаль документтарҙың электрон күсермәләрен алыуға подписка рәсмиләштереү мөмкинлеге бар. Берҙәм порталда урынлаштырылған бөтә хеҙмәттәр ҙә РФ-тың тәғәйен төбәге менән сағыштырып бирелгән: хеҙмәтте алыу урыны хеҙмәттең үҙе кеүек үк уны күр- һәтеү шарттарын да билдәләй. Әгәр “Получить услугу” тигән ҡушымтаға баҫһаң, БР буйынса суд приставтары идаралығына ғариза биреүсенең шәхси кабинетында күрһәтелгән персональ мәғлүмәттәре менән запрос китәсәк. Башҡарыу эштәре булмаған осраҡта граждан “Исполнительные производства в отношении заявителя не найдены” тигән яуап аласаҡ. Бындай сервис ғариза биреүсенең ваҡытын экономлай, сөнки бөтә процессуаль документтарҙы һәм башҡарыу эше барышы тураһындағы кәрәкле мәғлүмәтте өйҙән сыҡмай ғына алырға мөмкин.

Электрон сират

Идаралыҡтың рәсми сайтында “Электронная очередь записи на личный прием” http://r02.fssprus.ru/ fssponline электрон сервисы эшләй, ул граждандарға реаль ваҡыт режимында уңайлы ваҡытта бүлек начальниктары – өлкән суд приставтарына һәм башҡарыусы суд приставтарына ҡабул ителеү өсөн яҙылырға мөмкинлек бирә. Айырыуса был ҡабул итеү урынынан (идаралыҡтың структур подразделениеһы) алыҫта йәшәгәндәр өсөн актуаль. Граждандар һайланған ваҡыттарына килеп етә һәм “йәнле” сиратта ҡабул ителеүҙе көтөүҙән азат була. Күрһәтелгән электрон сервис- ты файҙаланыу буйынса хеҙмәт физик шәхестәргә һәм юридик ойошмалар- ға бушлай нигеҙҙә күрһәтелә.

Иҫегеҙгә төшөрәбеҙ: Федераль суд приставтары хеҙмәтенең БР буйынса идаралығы хеҙмәткәрҙәре граждандарҙы шишәмбе (9.00 – 13.00) һәм кесаҙна (13.00 – 18.00) көндәрендә ҡабул итә.

Суд приставтары хеҙмәтенең Мәсетле бүлеге.