Әле лә мәҙәниәт йорто, фельдшер пункты кеүек объекттарҙа эш сығып ҡына тора. Йонос ауыл биләмәһе халҡы ла уға мөрәжәғәт итә. Саҡырыуҙарға үҙе ваҡыт билдәләй һәм теүәл шул сәғәттә килеп етеп эшкә тотона. Электр үткәргестәрҙе яңыртып, һоҡланғыс итеп эшләп ҡуя. Газ плитаһы, үтек, самауыр, сепарат, сәйнүктәрҙе ҡабат “терелтеп” ебәрә һәм ихлас рәхмәт һүҙҙәре ишетә.
Тыуған еренә һөйөүе, тартылыуы шул тиклем көслө, ситтә йәшәр кеше түгел. Аҡса табыу өсөн ситтә эш эҙләү уға ят.
Күпләп мал тота: кемгә ит, йомортҡа, тауыҡ кәрәк, йыл әйләнәһенә тиерлек унан барып алырға була. Йырҙа ла бит:
Егет тә генә, ай, хур булмаҫ,
Ҡулдарында уның мал булһа, – тиелә.
Мәҡәлдәгесә етмеш төрлө һөнәр ҙә уға ят түгел. Тимер, ағас эштәре ҡулынан килә.
Мәҡәләнең тулы версияһын гәзиттең 2023 йылдың 22 февралдә 8-се һанында уҡығыҙ.