Беҙҙең ишектәр барыһына ла асыҡ

1999 йылдан башлап районда инвалидтар йәмғиәте эшләп килә. Уның төп эшмәкәрлеге – физик мөмкинлектәре сикләнгән кешеләрҙе спорт ярҙамында реабилитациялау. Төрлө йылдарҙа ойошманы Алексей Әхмәҙуллин, Рәфил Бижанов етәкләне, быйыл июндән Рубин Әхкәмов уның рәйесе итеп ҡуйылды.

Ул – әүҙем тормош позицияһы биләгән кеше. Инвалидтар ойошмаһында етәкселек итеүҙән тыш, ул үҙәк район моделле балалар китапханаһында төп китапханасы булып эшләй, “Берҙәм Рәсәй” Бөтә Рәсәй партияһы агитаторы, халыҡ дружинаһы ирекмәне, берҙәм дәүләт имтиханында һәм район олимпиадаларында йәмәғәт күҙәтеүсеһе.

– Инвалидтар йәмғиәтенә инергә теләктәре булғандар, 8-917-781-85-38 телефоны буйынса мөрәжәғәт итә йәки [email protected] адресы буйынса электрон почтаға яҙа ала. Беҙҙең ишектәр һәр кемгә асыҡ. Иң мөһиме – рух ныҡлығын, оптимизмды, йәшәү теләген һаҡларға, ҡыйынлыҡтарға бирешмәҫкә. Шул ваҡытта ғына сир тураһында уйламай, ҡәҙимгесә йәшәргә мөмкин. Тирә-яҡтағылар ҙа беҙгә аңлап ҡараһын ине. Хәҙерге ҡатмарлы ваҡытта кешеләргә мәрхәмәтле, мөмкинлектәре сикләнгәндәргә бигерәк тә шәфҡәтле булырға кәрәк, – ти Рубин Әхкәмов.

Мәҡәләнең тулы варианты гәзиттең ҡағыҙ баҫмаһында.