Мәсетле тормошо
+11 °С
Болотло
Бөтә яңылыҡтар
Кеше һәм уның эше
23 Ғинуар 2017, 02:00

Шундай егет йәшәй...

Оло Аҡа ауыл биләмәһенә ҡараған Степной – районда иң бәләкәй ауылдарҙың береһе. Унда бөтәһе 231 кеше йәшәй. Торама пунктта эш менән тәьмин итеүсе бер генә ойошма иҫәпләнә, шуға ла эш урыны бөтәһенә лә етмәй. Әммә ауылда, төшөнкөлөккә бирелмәй, өйҙәрендә үҙ эштәрен асҡан кешеләр бар.

Оло Аҡа ауыл биләмәһенә ҡараған Степной – районда иң бәләкәй ауылдарҙың береһе. Унда бөтәһе 231 кеше йәшәй. Торама пунктта эш менән тәьмин итеүсе бер генә ойошма иҫәпләнә, шуға ла эш урыны бөтәһенә лә етмәй. Әммә ауылда, төшөнкөлөккә бирелмәй, өйҙәрендә үҙ эштәрен асҡан кешеләр бар.



Ағастан үҙенсәлекле әйберҙәр – балта оҫтаһы-мебель етештереүсе Марсель Ҡәйүмовтың визит карточкаһы. Уның яһаған әйберҙәре районда ғына түгел, ситтә лә билдәле.
25 йәшлек Марсель ғәҙәттәге көн режимына тоғро ҡала. Ул иртәнге һигеҙҙә үк яратҡан шөғөлөнә тотона. Ағасты семәрләү Марсель өсөн ябай хобби ғына түгел.
Егеттең төрлө күргәҙмәләрҙә ҡатнашыуы быны раҫлай. Марсель – ауыл йәштәре араһында үткәрелгән “Мәсетле оҫтаханаһы” район конкурсы ҡатнашыусыһы, шулай уҡ һөнәри оҫталыҡ конкурсының беренсе дәрәжә дипломына эйә.
Ағасты семәрләү һәләте йәш оҫтала мәктәптә уҡығанда уҡ беленә. Һүрәт, һыҙым һәм, әлбиттә, хеҙмәт дәрестәре иң яратҡандары була. Ул һыҙым һәм технология буйынса олимпиадаларҙа призлы урындар яулай.
Мәктәптән һуң Марсель Өфө художество-сәнәғәт колледжына уҡырға инә. Уны тамамлағандан һуң ике йыл Свердловск өлкәһендә эшләй. Аҙаҡтан тыуған ауылына ҡайта, станоктар һатып ала һәм үҙ эшен асып ебәрә. Шулай итеп төрлө ҡатмарлыҡтағы изделиелар: семәрле тәҙрә йөҙлөктәре, беседкалар, һандыҡтар, баҫҡыстар етештерә. Тик тәҙрә һәм ишек кенә яһамай, сөнки уларҙы эшләү өсөн ҡиммәтле махсус станоктар кәрәк, ә уларҙы әлегә алып өлгөрмәгән Марсель.
Яңыраҡ ҡына ул үҙ оҫтаханаһын төҙөп бөтә. Бинаны төптәрҙән, балсыҡ һәм һаламдан һалыуын билдәләп үтергә кәрәк. Оҫтаның ата-әсәһе Зөлфиә һәм Марат Ҡәйүмовтар ҡортсолоҡ менән шөғөлләнә. Бөгөн уларҙың хужалығында 25 умарта бар. Ғаилә башлығының әйтеүенсә, үткән йыл 50-ләгән булған, ләкин, ямғырҙар бик күп яуыу сәбәпле, яртыһы үлгән. Шулай уҡ ул быйма баҫыу менән шөғөлләнә.
Ҡыҫҡаһы, эшләргә теләгән кеше, эште нисек тә таба. Ҡәйүмовтар ғаиләһе ауылдаштары өсөн өлгө булып тора.


Юлиә КРЮЧКОВА.