Мәсетле тормошо
+20 °С
Болотло
Бөтә яңылыҡтар
Күҙ уңында тотоғоҙ
21 Апрель 2020, 18:00

Балыҡсылар иғтибарына

Балыҡтарҙың ыуылдырыҡ сәсеү осоро менән бәйле һәм Балыҡсылыҡ ҡағиҙәләренә ярашлы, Волга-Каспий балыҡсылыҡ хужалығы бассейны территорияһында һәүәҫкәр һәм спорт балыҡсылығында башҡарыу тыйыла:

25 апрелдән 5 июнгә тиклем – һәр ерҙә, Павловка һыу ятҡылығында, Түбәнге Кама һыу ятҡылығында һәм уға ҡойған йылғаларҙа – һәр төрлө тотоу ҡоралдары менән һыу биоресурс- тарын тотоу; бары ярҙан бер балыҡсыға икенән артмаған ҡармаҡ менән ҡармаҡсыбыҡ ярҙамында рөхсәт ителә;
- һыу биоресурстарының айырым бер төрҙәрен: бикре, бағыр, ҡыҙыл балыҡ, бәрҙе, уҡбалыҡ тотоу.
Ҡармаҡлау рөхсәт ителгән һыу биоресурстарының минималь күләме
Балыҡсылыҡ менән шөғөлләнгәндә билдәләнгән оҙонлоҡтан ҡыҫҡараҡ тере килеш һыу биоресурстарын тотоу, ҡабул итеү, эшкәртеү, күсереү, транспортировкалау, һаҡлау һәм бушатыу тыйыла: ағарсаҡ, судак, сазан – 40 см, ҡорман – 28 см, суртан – 32 см, йәйен – 90 см, ҡыҫала – 10 см.
Һыу биоресурстарының бөтә төрө өсөн то- тоуға дөйөм тәүлек нормаһы 5 килограмдан артмаҫҡа тейеш йәки бер дана (ауырлығы 5 килограмдан артып китһә). Ҡыҫалалар – 20 дана.
Дөйөм тәүлек нормаһынан артып киткәндә, һыу биоресурстарын тотоу туҡтатыла.
Иғтибар!
Балыҡ тотоу ҡағиҙәләрен боҙған өсөн административ яуаплылыҡҡа тарттырыу ҡаралған: граждандарға, кәмәне һәм балыҡ тотоу ҡоралдарын тартып алып йәки унһыҙ, 2 – 5 мең һум күләмендә штраф һалыныуы ихтимал (РФ-тың Административ хоҡуҡ боҙоуҙар тураһында кодексының 8.37-се статьяһының 2-се өлөшө).
Ҡайһы бер осраҡтарҙа һыу биоресурстарын законһыҙ тотҡан өсөн РФ Енәйәт кодексының 256-сы статьяһы менән ҡаралған енәйәт яуап- лылығы ҡулланылыуы ихтимал:
а) ҙур зыян килтерелһә;
б) үҙйөрөшлө йөҙөү транспорт сараһы йәки шартлатҡыстар, химик матдәләр, электр тогы йәки тыйылған һыу биоресурстарын күпләп ҡырыу ысулдарын һәм ҡоралдарын ҡулланғанда;
в) ыуылдырыҡ сәсеү урындарында йәки ыуылдырыҡ сәсеү урындарына барыу юлдарында тотҡанда;
г) айырыуса һаҡланған тәбиғәт территорияларында йәки экологик бәлә-ҡаза, ғәҙәттән тыш экологик хәл зонаһында тотҡанда.
Был енәйәт өсөн хөкөм ителеүсегә 300 мең – 500 мең һум күләмендә йәки хөкөм ителеүсенең ике-өс йылғы хеҙмәт хаҡы йәки башҡа килеме дәүмәлендә штраф һалына, йәиһә ике йылға тиклем холоҡ төҙәтеү эштәренә йәлеп ителә, йәиһә ошо уҡ ваҡытҡа иркенән мәхрүм ителә.
Бынан тыш, балыҡсы тағы ла бер нәмәне хәтерендә тоторға тейеш: балыҡ ҡармаҡлағанда ул йылғаларҙың, күлдәрҙең, шишмәләрҙең һыу һаҡлау зоналары сигендә (ярҙан 50-200 метр алыҫлыҡта) тора. Ә унда һыуҙы бысратыуға, сүпләүгә һәм йылғаның һайығыуына юл ҡуймау, һыу йәнлектәренең йәшәү мөхитен һаҡлау өсөн махсус режим ҡаралған. Һыу һаҡлағыс зоналарҙа транспорт саралары (махсус транспорт сараларынан тыш) менән хәрәкәт итеү һәм уларҙы ҡуйыу тыйыла. Бары махсус ҡорамалландырылған ҡаты япмалы урындарҙа һәм юлдарҙа ғына яҡын барыу мөмкин. Был талапты боҙған осраҡта граждандарға 3000 – 4500 һум күләмендә штраф һалына (РФ-тың Административ хоҡуҡ боҙоу- ҙар тураһында кодексының 8.42-се статьяһының 1-се өлөшө).
Шулай уҡ балыҡсылыҡ хужалығы әһәмиәтендәге һыу объекттары һыу һаҡлау зоналары сиктәрендә транспорт йыуыу тыйыла (зонаның киңлеге, һыу объекты оҙонлоғонан сығып, акваториянан 50-200 метр тәшкил итә).
Балыҡ ҡармаҡлап бөткәс, үҙегеҙҙән һуң сүп ҡалдырмағыҙ. Онотмағыҙ: тәбиғәттә ял урынында ҡалдырылған сүп-сар эҫе ҡоро көндә янғын сығыуына килтерергә мөмкин. Тәбиғәттә янғын зонаһында ҡалһағыҙ, 112 телефоны буйынса шунда уҡ хәбәр итергә кәрәк.
Хөрмәтле һәүәҫкәр балыҡсылар!
Балыҡсылыҡ ҡағиҙәләрен үтәгеҙ, тәбиғәтте һаҡлағыҙ, шул саҡта балыҡ тотоу һеҙгә бары ҡәнәғәтлек кенә килтерер!
450059, Башҡортостан Республикаһы, Өфө ҡалаһы, Рихард Зорге урамы, 19/2 адресы буйынса Башҡортостан Республикаһы буйынса һыу биоресурстарына дәүләт контроле, күҙәтеүе һәм һаҡлау бүлегенә балыҡсылыҡ ҡағиҙәләре, үҙегеҙҙе ҡыҙыҡһындырған башҡа һорауҙар буйынса аңлатма алырға һәм консультация һорап мөрәжәғәт итә алаһығыҙ, шулай уҡ Башҡортостан Республикаһы һыу ятҡылыҡтары территорияһында браконьерлыҡ осраҡтары хаҡында хәбәр итергә мөмкин. Бүлек телефоны: 8 (347) 246-07-08, e-mail: [email protected]. “Ҡыҙыу линия” телефоны: 8 (846) 930-12-69. Территориаль идаралыҡ: http://www.samara-fish.ru.
Руслан ХӘСӘНОВ,
Урта Волга территориаль идаралығының һыу биоресурстарын һаҡлау, күҙәтеү һәм уларға контроль бүлеге дәүләт инспекторы.