Ата-әсәләргә уңайлы булһын өсөн

Башҡортостан Республикаһы министрҙар кабинетының 2002 йылдың 11 мартындағы “Башҡортостан Республика-һында күп балалы ғаиләләргә дәүләт ярҙамы тураһында” БР законын ғәмәлгә ашырыу буйынса саралар тураһында” 68-се ҡарарына ошо хаҡта үҙгәрештәр индерелде. Быйыл икенсе кварталда халыҡҡа социаль ярҙам республика үҙәге филиалдары һәм республиканың муниципаль райондары, ҡала округтары хакимиәттәре ара-һында аҙ тәьмин ителгән күп балалы ғаиләләрҙән булған дөйөм белем биреү ойошмалары (мәктәптәр) уҡыусыларына социаль ярҙам саралары күрһәткәндә үҙ-ара эшләү тураһында килешеү төҙөнө.

Яңы уҡыу йылынан кәрәкле белешмәләрҙе мәктәптәр уҡыу-сыларҙың ата-әсәләренең туранан-тура ҡатнашлығынан тыш аласаҡ. Шулай итеп, аҙ тәьмин ителгән күп балалы ғаиләләрҙән булған уҡыусыларҙың ата-әсәләренә (законлы вәкилдәренә) белешмә алыу өсөн республика халыҡҡа социаль ярҙам күрһәтеү үҙәгенә йәки Дәүләт һәм муниципаль хеҙмәттәр күрһәтеү күп функциялы үҙәгенә мөрәжәғәт итергә кәрәкмәй. Был сентябрь-октябрҙә Күп функциялы үҙәктәр офистарында белешмә алыусыларҙан барлыҡҡа килгән сираттарҙы бөтөрөү маҡсаты менән эшләнә.

Хәҙер ата-әсәләргә Күп функциялы үҙәктәргә, республика халыҡҡа социаль ярҙам күрһәтеү үҙәге филиалына ни бары пособие юллау, пособиеның ваҡыты сыҡҡан осраҡта яңынан юллау өсөн генә мөрәжәғәт итергә тура киләсәк. Ә инде улар пособие алһа, бала уҡыған мәктәпкә белешмәне электрон вариантта уҡыусының ата-әсәһе ҡатнашлығынан тыш ебәрәсәктәр.