Онлайн-касса һатып алдыңмы? Һалым ҡайтармаһы ал!

Билдәле булыуынса, һуңғы ваҡытта контроль-касса техникаһы (ККТ) ҡулланыу өлкәһендә әүҙем һәм киң күләмле реформа бара. Әммә индерелеүсе әлеге яңылыҡтар бәләкәй бизнес субъект- тарынан, атап әйткәндә, шәхси эшҡыуарҙарҙан шаҡтай матди сығымдар талап итә.

Ошоноң менән бәйле закондар сығарыусы эшҡыуарҙарҙың финанс көсөргәнешен кәметергә ҡарар иткән һәм 2017 йылдың 27 ноябрендәге “Рәсәй Федерацияһы Һалым кодексының икенсе өлөшөнә үҙгәрештәр индереү тураһында” 349-ФЗ һанлы Федераль закон менән алдан билдәләнгән килемгә берҙәм һалым рәүешендәге һалым һалыу системаһын һәм һалым һалыуҙың патентлы системаһын ҡулланыусы шәхси эшҡыуарҙар өсөн ККТ һатып алыу буйынса сығымдар суммаһына ККТ-ның һәр данаһына 18 мең һумдан артмаған күләмдә һалым ҡайтармаларын файҙаланыу хоҡуғын иҫәпкә алған.

Шуның менән бергә ККТ һатып алыуға сығымдарға ККТ-ның үҙен һәм фискаль туплағысты (чипты) һатып алыуға, кәрәкле программа тәьминәтен һатып алыу-ға, онлайн-кассаны көйләү хеҙмәттәренә һәм башҡа сығымдар инә.

Ләкин һалым ҡайтармаһын алыу өсөн түбәндәге шарттарҙың үтәлеүе кәрәк:

- һатып алыныусы онлайн-касса ККТ реестрына индерелгән һәм фискаль мәғлүмәттәр операторына касса чектарын тапшырыу режимын тоторға тейеш;

- ККТ 2017 йылдың 1 февраленән 2019 йылдың 1 июленә тиклем һалым органында теркәлгән булырға тейеш.

Шуныһы мөһим: ялланып эшләүсе хеҙмәткәрҙәр йәлеп итеп ваҡлап сауҙа итеү һәм йәмәғәт туҡланыуы өлкәһендә эшмәкәрлек алып барған шәхси эшҡыуарҙар ККТ-ларын 2017 йылдың 1 февраленән 2018 йылдың 1 июленә тиклем теркәргә тейеш ине.

ККТ ҡулланыу ваҡыты 2019 йылдың 1 июленән башланасаҡ шәхси эшҡыуарҙар өсөн контроль-касса техникаһын әлеге датаға ҡәҙәр теркәргә кәрәк.

Ошоноң менән бәйле касса техникаһын әле хәҙер үк теркәргә һәм һалым ҡайтармаһына хоҡуҡтан файҙаланырға кәңәш итәбеҙ.

Рәсәй Федераль һалым хеҙмәтенең Башҡортостан Республикаһы буйынса 2-се район-ара инспекцияһы 2019 йылдың 1 июленән хужалыҡ эшмәкәрлегенең түбәндәге субъекттары ККТ ҡулланырға бурыслы икәнлеген иҫкә төшөрә:

1) алдан билдәләнгән килемгә берҙәм һалымдағы, шулай уҡ хеҙмәткәрҙәре булмаған, һалым һалыныуҙың патентлы сис-темаһын ҡулланыусы шәхси эшҡыуарҙар;

2) халыҡҡа хеҙмәт күрһәтеүсе ойошмалар һәм шәхси эшҡыуарҙар;

3) йәмәғәт транспортында йөрөү өсөн транспорт сараһы салонында йөрөү документтары (билеттар) һәм талондар һат-ҡан ваҡытта ойошмалар һәм шәхси эшҡыуарҙар;

4) капиталь ремонтҡа иғәнәләрҙе лә индереп, торлаҡ бина һәм коммуналь хеҙмәттәр өсөн түләү ҡабул иткәндә, алдан түләү һәм (йәки) аванстарҙы иҫәпкә алған һәм кире ҡайтарған ваҡытта, та- уарҙар, эштәр, хеҙмәттәргә түләү өсөн заемдар биргән ваҡытта ойошмалар һәм шәхси эшҡыуарҙар;

5) сауҙа автоматтары файҙаланып, ялланып эшләүсе хеҙмәткәрҙәрһеҙ сауҙа итеүсе шәхси эшҡыуарҙар.

Р. ӘХМӘТОВ,

Рәсәй Федераль һалым хеҙмәтенең БР буйынса 2-се район-ара инспекцияһы

начальнигы урынбаҫары.