Изгелектәр ҡылайыҡ

Әгәр кеше ғүмере оҙайтылһа һәм уға сираттағы тапҡыр был изге айҙы күреү мөмкинлеге бирелһә, был Үҙ ҡолона күрһәтелгән Алла мәрхәмәте, сөнки ул башҡа кешеләр менән бергә ошо бөйөк һәм изге миҙгелдә – буйһоноу, Аллаға инаныу, шәфҡәтлелеккә яҡынлашыу, Бөйөк һәм Сикһеҙ ҡөҙрәткә эйә булған миҙгелде үткәреүҙә ҡатнашыу өсөн кешенең ғүмерен оҙайтты!
Рамаҙан – ул бер үк ваҡытта Алланың шәфҡәте лә, Уның һынауы ла: ураҙа тотоу беҙҙең йәнебеҙ һәм тәнебеҙгә күп файҙа килтерә, беҙҙе Аллаһты ололаусы һәм сабыр итә, гонаһлы теләктәребеҙҙе ауыҙлыҡлай һәм йөрәк яраларын уңалта.
Шуға күрә был айҙы яҡшы ҡаршы алығыҙ, ҡунаҡ кеүек ҡабул итегеҙ, ошо айға лайыҡлы булыр өсөн үҙегеҙҙе әҙерләгеҙ.
Аллаһы Тәғәлә ураҙа тотоусыларға Рәйән ишеге аша Йәннәт (Ожмах) баҡсаларына инергә һәм бер ҡасан да һыуһамаҫҡа, әсенеү тойғоһо кисермәҫкә вәғәҙә иткән.
Шуға күрә кешегә Аллаһы Тәғәләнең һүҙҙәрен һәм фатихаһын алыуы мөһим: “Рамаҙан айында өмөт һәм ышаныс менән ураҙа тотҡан кешенең элекке гонаһтары кисерелер”.
Бындай кеше ураҙаны ышаныс һәм өмөт менән тота, ә халыҡтың ғөрөф-ғәҙәте шундай булған, йәиһә ғаиләһе, ағалары һәм дуҫтары ураҙа тотҡан өсөн генә түгел. Ул башҡаларҙан маҡтау һәм яҡшы һүҙҙәр ишетеү өсөн ураҙа тотмай, ул үҙен башҡалар алдында күрһәтергә теләмәй.
Ул ошо бөйөк айҙа Раббыға буйһонған, ураҙа тотоусыларға Алланың вәғәҙәһе – әжер алыуға өмөт бағлап һәм иман менән ураҙа тотҡан өсөн, уларға йомарт Раббыбыҙ әжерҙе иҫәпһеҙ-һанһыҙ бирәсәк.
Был айҙа күпме кеше Раббыға тәүбә итте, шунан һуң улар гонаһлы эштәрҙән туҡтаны. Әгәр инде етешһеҙлек һәм иғтибарһыҙлыҡҡа юл ҡуйған кеше был бөйөк миҙгелдә Аллаға тәүбә менән мөрәжәғәт итмәһә, ул уны ҡасан эшләр?!
Хөрмәтле мәсетлеләр, Аллаһы Тәғәләнең был әйтелгән һүҙҙәргә файҙа килтереүен үтенәм; уларҙы үҙебеҙҙең изге эштәр үлсәүенә яҙып ҡалдырһын; беҙгә ураҙа тоторға һәм доға ҡылыуҙа сыҙамлы булырға ярҙам итһен; ошо бөйөк Рамаҙан айы һынауын уңышлы үтергә насип итһен.
Айрат БОРХАНОВ,
Йыланыш ауылы мәсете имамы.