Радий Хәбиров Башҡортостан энергетиктарын һөнәри байрамы менән ҡотланы

Республиканың энергосистемаһы — илдә иң үҫешкәндәрҙең береһе, тип билдәләне Радий Хәбиров.

«Артабан да ҡеүәтте арттырырбыҙ, электр энергияһы менән өҙлөкһөҙ тәьмин итеү тураһында хәстәрлек күрербеҙ — был сәнәғәтебеҙҙең үҫеш нигеҙе, халыҡтың йәшәү сифаты, уларҙың йорттарында уңайлы шарттар. Республикабыҙҙың ышаныслы партнерҙарына — «Интер РАО» һәм «Система» компанияларына хеҙмәттәшлек өсөн рәхмәт белдерәм. Пландар ҙур. Электр станцияларының энергия ҡорамалдарын яңыртырбыҙ, яңы ярҙамсы станциялар төҙөрбөҙ. Электр селтәрҙәрен һуҙыуҙы дауам итербеҙ. Урал аръяғын энергия менән тәьмин итеү буйынса мәсьәләләрҙе хәл итергә, гидроэнергетикала үҫеш пландарын ғәмәлгә ашырырға тейешбеҙ. Энергетиктарҙың барыһын да һөнәри байрамы менән ҡотлайым! Уларға һәм ғаиләләренә һаулыҡ теләйем».