Башҡортостанға 3-7 йәшлек балаларға түләүҙәр өсөн өҫтәмә транш бүленә

«Өҫтәмә финанслау кәрәклеге төбәктәрҙә аҡса алыусылар һанын асыҡлауға бәйле. Аҡса сығанағы — хөкүмәттең резерв фонды», — тиелә Министрҙар кабинеты белдереүендә.

Аҙ тәьмин ителгән ғаиләләрҙә тәрбиәләнгән 3-7 йәшлек балаларға айлыҡ түләүҙәр өсөн төбәктәргә өҫтәмә рәүештә 3,3 миллиард һумдан ашыу йүнәлтелә.

Хәтерегеҙгә төшөрәбеҙ, 2020 йылда Рәсәй президенты указы менән 3-7 йәшлек балаларға айлыҡ түләүҙәр индерелде. Ғаиләнең хәленә ҡарап, уларҙың күләме балаға йәшәү минимумының 50, 75 йәки 100% тәшкил итергә мөмкин. Башҡортостанда пособиеның иң күбе — 11 747 һум.

Пособие юллау өсөн дәүләт хеҙмәттәре порталында электрон ғариза бирергә, күп функциялы үҙәккә йәки социаль яҡлау органдарына мөрәжәғәт итергә була.

Источник: https://bash.bashinform.ru/news/economy/2022-12-12/bash-ortostan-a-3-7-y-shlek-balalar-a-t-l-r-s-n-t-m-transh-b-len-3068091