+24 °С
Болотло
Министр һүҙҙәренсә, эшләмәгән пенсионерҙарға ҡартлыҡ буйынса страховка пенсияһы йыллыҡ инфляциянан юғарыраҡ кимәлдә индексациялана.
«Иҡтисади үҫеш министрлығы күҙаллауынса, йыллыҡ инфляция 5,8 процент була. Шуны иҫәпкә алып, 2022 йылда индексация 5,9 процент кимәлендә ҡала», — тине Антон Котяков.Эшләмәгән пенсионерҙың ҡартлыҡ буйынса страховка пенсияһының уртаса йыллыҡ күләме 2022 йылда — 18 521 һум, 2023 йылда — 19 477 һум, 2024 йылда 20 469 һум була, тип билдәләне ул.
Ҡартлыҡ буйынса страховка пенсиялары йыл һайын 1 ғинуарҙа индексациялана. 2021 йылда ҡартлыҡ буйынса страховка пенсияларының уртаса күләме 16 789 һәм тәшкил итә, быйыл уларҙы 6,3 процентҡа арттырҙылар.