Иҫкә алайыҡ

Ул беҙҙең өсөн иң яҡын, иң яратҡан ҡатын, яғымлы һәм хәстәрлекле әсәй-өләсәй булды. Уның беҙҙең аранан ҡапыл китеп барыуы күңелдәрҙә уңалмаҫ яра ҡалдырҙы. Бер мәлгә генә уны кире ҡайтарып, әйтеп өлгөрмәгән һүҙҙәрҙе әйтеп ҡалырға, ҡосоп-ҡосаҡлап иркәләнеп, наҙланып ҡалырға ине. Ҡулдарынан тотоп, һыйынып ултырып, донъя хәбәрҙәре хаҡында һөйләшәһе ине.
Ғаиләбеҙгә килгән ауыр юғалтыу ҡайғыһын һөйләп бөтөрөрлөк тә түгел.
Әсәй, беҙ һине мәңге яратасаҡбыҙ.
Озорнина Раисья Борисовнаны белгәндәрҙең беҙҙең менән бергә иҫкә алыуҙарын һорайбыҙ. Ҡәҙерлебеҙҙең ауыр тупрағы еңел, урыны мәңгелек йәннәт түрендә булһын.
Ире, балалары, ейән-ейәнсәрҙәре.