-5 °С
Ҡар
Бөтә яңылыҡтар
Дин
22 Ғинуар 2019, 12:03
Крещениела һыу инеүҙәр
18-нән 19 ғинуарға ҡарай төндә православныйҙар йылдың төп сиркәү йолаларының береһе – Крещение Господне байрамын билдәләй. Күптәр өсөн был көндөң символы булып боҙло һыуҙа һыу инеү тора! Кем купелдә сумып сыға, шул йыл буйы сәләмәт, теремек буласаҡ, гонаһтарын йыуасаҡ, тип иҫәпләнә. Шуға күрә бындай йолаға ҡушылырға теләүселәр һәр ваҡыт күп.
Түбәнге Бобин ауылында купель ойошторолғайны. Әҙерләнгән мәке, төшөү урыны һәм кәртәләр уңайлы булғанлыҡтан, кешеләр һаны күп булһа ла, һыу инеүҙе ойоштороуҙа проблемалар булманы. Сумып сығыусылар өсөн сисенеп-кейенеү өсөн палаткалар ҡоролғайны, шунда уҡ эҫе сәй бирҙеләр.
Крещение төнөндә мәкегә етмешләгән кеше сумып сыҡты. 19 ғинуарҙа тағы ла һик-һән кеше һыу инде. Граждандарҙың хәүеф-һеҙлеге өсөн тиҙ ярҙам бригадаһы, МЧС һәм полиция, ЮХХДИ хеҙмәткәрҙәре дежурлығы ойошторолғайны. Бәхеткә күрә, бер кемгә лә ярҙам кәрәкмәне һәм сара ғәҙәттән тыш хәлдәрһеҙ генә үтеп китте.
– Тәьҫораттар иҫ китмәле, әлбиттә! Беренсе тапҡыр сумам, шуға күрә ахырғаса ҡурҡыныс булды! Ә инде һыуҙан сыҡҡас, үҙемде ҡайтанан тыуғандай хис иттем, – тип уртаҡлашты тәьҫораттары менән купелдә ҡойоноусы Кристина Крючкова.
Агентство по печати и средствам массовой информации Республики Башкортостан.
Баш мөхәррир Э. Ф. БАҺАУЕТДИНОВА
Телефон
8(34770)2-00-05; 8(34770)2-00-32.
Электрон почта