Оло Ыҡтамаҡ район дауаханаһында йөҙөнсө бала тыуҙы!

Тарих битенә ингән йөҙөнсө бала Оло Ыҡтамаҡ ауылында йәшәгән Динара һәм Илшат Сәрүәровтар ғаиләһендә тыуҙы. Татыу ғаиләлә тағы ла ете йәшлек Камила тәрбиәләнә һәм уның өсөн дә һеңлеһенең тыуыуы оло ҡыуаныс. Сабыйға исемде лә күмәкләп һайлағандар һәм Эмилия тигән матур исемдә туҡталғандар.

Район Хакимиәте башлығының социаль мәсьәләләр буйынса урынбаҫары Гөлназ Ҡадирова Сәрүәровтарҙы ошондай иҫтәлекле ваҡиға менән ихлас ҡотланы. Ул ғаиләгә һаулыҡ, тыныслыҡ, донъя ҡыуаныстары, именлек теләне һәм район Советы һәм Хакимиәте исеменән бүләк тапшырҙы.