Район – һандарҙа

2017 йылдың 7 айында 159 бала тыуһа, 2018 йылдың ошо уҡ осоронда – 141 бала. Үткән йылдың 7 айында 180 кеше вафат булһа, 2018 йылдың ошо осоронда – 173 кеше.

Айырылышыу һаны өйләнешеүгә ҡарағанда кәмене. 2017 йылдың 7 айында 80 никах теркәлгән, 50 пар айырылышҡан. 2018 йылдың ошо уҡ осоронда 86 ғаилә ҡоролған, айырылышҡан – 37. Әлбиттә, бында ЗАГС аша теркәлмәгән ғаиләләр иҫәпкә алынмаған. Никахты теркәү-теркәмәү – һәр кемдең иркендә. Әммә иҫегеҙҙә тоторға кәрәк: ЗАГС аша төҙөлгән никах ирле-ҡатынлыларҙың хоҡуҡтарын яҡлай. Әлбиттә, был беренсе сиратта баланың хоҡуҡтарында сағыла.

Балаларға килгәндә, быйыл 75 малай тыуған, ҡыҙҙар – 66. Шуларҙың араһында игеҙәк бала тыуыу осраҡтары өсәү.

Быйыл балалары тыуған ғаиләләр араһында районда бер балалы ғаиләләр һаны 40, ике балалы – 45. 6-нан ашыу бала тәрбиәләгән күп балалы ғаиләләр һаны 10. Өс балалы ғаиләләр 28, дүрт балалы – 12. Өс ғаилә бишәр бала тәрбиәләй.

Бәпәйләгән әсәләрҙең йәштәре лә төрлө. 76 әсәй –21 йәштән 30-ға тиклем, 45 әсәй – 31 йәштән 40-ҡа тиклем. 41 йәштән дә олораҡтар бар.

Малайҙар араһында популяр исемдәр: Әмир, Артем, Рамаҙан, Альмир. Ҡыҙҙар өсөн ата-әсәләр ошондай исемдәр һайлай: Арина, Дарина, Софья, Аделина. Һирәк һәм ғәҙәти булмаған исемдәр ҙә осрай: Эмир, Эльдар, Хәким, Сергей, Юлиә, Эмилия, Элина, Серафима.

Ғәлиә АБДРАФИҠОВА.