Мәсетле тормошо
+11 °С
Болотло
Бөтә яңылыҡтар
Дәүләт телдәре
15 Декабрь 2020, 20:00

Тел – халыҡ хазинаһы

Районыбыҙҙа үҙ эшенә мөкиббән, бурыстарына яуаплы ҡараған, телем, илем тип янып йөрөгән башҡорт теле һәм әҙәбиәте уҡытыусылары бихисап, шуларҙың береһе – Башҡорт гимназияһы педагогы Зилә Миндибаева.Зилә Роберт ҡыҙы дәрестәр-ҙән тыш әүҙем йәмәғәт тормошо алып бара. Социаль селтәрҙәрҙәге телде популярлаштырыу буйынса ҙур эшмәкәрлеге күптәргә таныш, “Ютуб”та үҙ каналы бар. Мәсетле районы башҡорттары ҡоролтайы башҡарма комитетында эшләргә лә өлгөрә.

– Тел – халыҡ хазинаһы. Нәҡ уның аша беҙ киләсәк быуынға рухи һәм мәҙәни ҡиммәттәрҙе тапшырабыҙ. Башҡорт теле – быуындар бәйләнеше, шуға күрә туған телде һаҡлау һәм уның буйынса балаларға төплө белем биреү мөһим, - тип иҫәпләй ул.
Педагогтың тәрбиәләнеүселәренең һәм үҙенең ҡаҙаныштары баһаланмай ҡалмаған. Зилә Роберт ҡыҙы үҙе ике тапҡыр Башҡортостан Республикаһы Мәғариф һәм фән министрлығының Рәхмәт хаты менән бүләкләнгән.
Бына ошондай яуаплы, инициативалы, белемле уҡытыусылар булғанда, телебеҙҙең киләсәге – ышаныслы ҡулдарҙа, тип ныҡлы әйтә алабыҙ.
Фото Зилә Роберт ҡыҙының шәхси архивынан.
Мәҡәләнең тулы вариантын гәзиттә уҡығыҙ.