Мәсетле районының билдәле яҙыусылары менән осрашыу

Бөгөн, 20 мартта, үҙәк моделле балалар китапханаһында 2019 йылда донъя күргән Тәскирә Даянованың “Ағинәй юлы” һәм Гөлсирә Шафиҡованың “Йондоҙло хыял” китаптарының презентацияһы һәм уларҙың авторҙары – күренекле яҡташтарыбыҙ, Башҡортостандың һәм Рәсәйҙең Журналистар союзы ағзалары менән осрашыу үткән.

Сарала яҙыусылар үҙҙәре тураһында һөйләгән,балаларҙың һорауҙарына яуаптар биргән. Мәсетле районы башҡорттары ҡоролтайы рәйесе Марат Әхмәтшин Тәскирә Даяноваға һәм Гөлсирә Шафиҡоваға башҡорт телен һәм башҡорт халҡының тарихын үҫтереүгә һәм һаҡлауға тос өлөш индергәндәре өсөн рәхмәт белдергән һәм Рәхмәт хаттары тапшырған.

Сарала ҡатнашыусылар Гөлсирә Шафиҡова яҙған тиҙәйткестәрҙе шыма итеп әйтеп ҡараған. Ә һеҙ булдыра алаһығыҙмы?

Бабай, әбей һәм бала

Баралар, ти, арбала.

Арттан ҡалмай Алабай

Абалай ҙа абалай.

Әбей ҡурҡып туҡтауһыҙ

Абаулай ҙа абаулай.

Бабай әйтә:

- Туҡта, - ти, -

Уҫал бүре юҡ та, - ти. –

Етәр, абаулама ла,

Абайламаҫтан ҡармап,