Мәсетле тормошо
+17 °С
Болотло
Бөтә яңылыҡтар
Был ҡыҙыҡлы
23 Декабрь 2018, 23:20

КӨЛӘМӘСТӘР

– Абау, һеҙҙең кухня стенаһында тараҡандар йөрөй! – Йөрөмәй, шундай обой ул. – Бигерәк ерәнгес бит! Ниңә йәбештерҙегеҙ уны? – Ҡунаҡтар донъяларын онотоп ултырмаһын өсөн.* * *

Ләх иҫерек ир төн уртаһында ҡайтып инә. Бисәһе:

– Ҡайҙа йөрөнөң ошоға тиклем, йолҡош?

– Зыяратта.

Ҡатын шунда йомшара, борсолоулы тауыш менән белешә:

– Ә кем үлде, йәнем?

– Ышанһаң – ышан, ышанмаһаң – юҡ: унда бөтәһе лә үлгән!


* * *

Урта йәштәрҙәге ике әхирәт һөйләшә.

– Беләһеңме, мине Зиннәт иртәгә балыҡҡа саҡырҙы.

– Матур итеп биҙән, иң матур эске кейемеңде кей.

– Шулайтайым әле. Ә мин, иҫәр, селәү ҡаҙып алған булам бит әле… "Телефон номеры" конкурсы өсөн һан – дүрт.


* * *

– Их, ошо бысраҡ быуала йәшәп, нисек ялҡҡанымды белһәң ине, – тип зарлана бер сабаҡ икенсеһенә.

– Ә һин ҡармаҡҡа эләк, шунда уҡ ҡаймаҡ эсенә барып төшөрһөң.


– Ғәли, өйләндем тигәйнең түгелме? Үҙең пальтоңа төймә тегеп ултыраһың…

– Был минең пальто түгел, ҡатындыҡы…


* * *

Баҙарҙа бер ҡатын һатыусыға өндәшә:

– Һатҡан атың ҡайҙа һуң ул?

– Ниндәй ат тураһында һөйләй¬һең. Күрмәйһеңме ни, ҡуян һатам!

– Хаҡын күргәс, ат һатамы тип торам!


* * *

– Һеҙ гәзит уҡыйһығыҙмы?

– Уҡыйым.

– Күп уҡыйһығыҙмы?

– Күпме йыртып алына, шул тиклем инде…