Татыу һәм ныҡлы ғаилә

Ғаилә – ул иң ҡәҙерле һәм яҡын кешеләр, ул яратҡан кешең. Күптәр өсөн ғаилә һәр ваҡыт йылы һәм уңайлы булған йорт менән бәйле. “Барлыҡ бәхетле ғаиләләр ҙә бер-береһенә оҡшаған”, – тип билдәләгән бөйөк яҙыусы Лев Толстой. Ләкин һәр береһенең үҙ үҙенсәлеге бар.
Юлай ауылында йәшәүсе Аҡмаловтар ғаиләһе – күптәр өсөн өлгө. Рәмил менән Гөлфинә Ҡорғат ауыл биләмәһендә тыуып үҫкәндәр. Уларҙың ғаилә ҡороуына ла 10 йылдан ашыу ваҡыт уҙып киткән. Ир менән ҡатын биш бала тәрбиәләйҙәр: Ралина өсөнсө класты тамамлаған, Вилена икенсегә күсә, ә Арина ҡустыһы Роберт менән балалар баҡсаһына йөрөй, кесе ҡыҙҙары Рианна ошо йылдың майында донъяға килгән.
– Беҙҙең ғаиләлә иң мөһиме – бер-беребеҙгә ҡарата ышаныс, мөхәббәт һәм хөрмәт, шулай уҡ үҙ ҡулдарыбыҙ менән булдырылған йылылыҡ һәм уңайлылыҡ, – тип уртаҡлаша Гөлфинә Хәмит ҡыҙы. Ғаилә башлығы мәктәп ҡаҙанлығында оператор булып эшләй. Уны эшһөйәр һәм ярҙамсыл кеше булараҡ беләләр.

Мәҡәләнең тулы версияһын гәзиттең 2023 йылдың 7 июлендәге 27-се һанында уҡығыҙ.