-3 °С
Ясна
Бөтә яңылыҡтар
Был көн календарҙа
16 Апрель 2018, 17:30
Тыуған иленә намыҫ менән хеҙмәт иткәндәрҙең байрамы
Беҙҙең илдә ветерандарҙың категориялары бик күп: һуғыш һәм хеҙмәт ветерандары, фән һәм спорт ветерандары, ә хәҙер ярайһы уҡ йәш ветерандар категориялары барлыҡҡа килде. Улар: Афғанстанда һәм башҡа илдәрҙә һәм “ҡыҙыу нөктәләрҙә” һуғышҡан йәки яраланғандар, уларҙың барыһы ла дәүләт һәм халыҡ яғынан хөрмәт һәм ихтирамға хаҡлы. Рәсәй ветерандарының тағы ла бер категорияһы бар, уларҙың Ватан алдындағы хеҙмәте – бәхәсһеҙ. Улар: эске эштәр бүлеге һәм эске ғәскәрҙәр – дәүләт мәнфәғәттәрен һәм йәмәғәт тәртибен һаҡлауҙы, беҙгә Конституция менән гарантияланған хоҡуҡтар һәм азатлыҡтарыбыҙҙы яҡлауҙы, шулай уҡ граждандар йәмғиәтенең барлыҡ йәшәйеш өлкәләрендәге законлылыҡты нығытыуҙы тәьмин итеүсе структуралар ветерандары.
Эске эштәр бүлеге ветерандары.
2011 йылдан эске эштәр бүлеге һәм эске ғәскәрҙәр ветерандары байрамдарын рәсми рәүештә билдәләй – был хаҡтағы бойороҡҡа ул саҡтағы эске эштәр министры Рәшит Нурғәлиев ҡул ҡуй-ғайны, ә датаһы ветерандар ойошмаһына нигеҙ һалы- ныуҙың 20 йыллығына бәйле һайланған – ветерандарҙың йәмәғәт ойошмаһы 1991 йылдың 17 апреленән йәшәп килә.
Мәсетле районы ветерандар ойошмаһында төрлө йылдарҙа эске эштәр органдарында хеҙмәт иткән 37 кеше тора. Ветерандар советына биш кеше инә, уның рәйесе – Миҙхәт Зияитдинов.
Эске эштәр органдарынан отставкаға сыҡҡандар – ул хоҡуҡ һаҡлау системаһы учреждениеларында хеҙмәт итеү йылдарында енәйәтселеккә ҡаршы көрәштә ҡаһарманлыҡ һәм ихтыяр күрһәткән кешеләр.
Элекке милиционерҙар булмай, тип юҡҡа әйтмәй- ҙәрҙер. Хаҡлы ялда булыу- ҙарына ҡарамаҫтан, өлкән гвардия закон һәм тәртип һаҡлауға үҙ өлөшөн индереүҙе дауам итә – полицияның йәш хеҙмәткәрҙәре өсөн өйрәтеүсе саралар уҙғаралар, патриотизм идеалдарын пропагандалайҙар, енәйәтселәр-ҙе тотоуҙа хәлдәренән килгәнсә ярҙам итәләр.
Шулай уҡ улар Бөйөк Еңеү көнө алдынан эске эштәр бүлегенең әлеге хеҙмәткәрҙәре менән берлектә Бөйөк Ватан һуғышында ҡатнашыу-сылар һәм элекке коллегалары ҡәберҙәренә сәскәләр һалыу һәм хөрмәтләп иҫкә алыу өсөн район ауылдары буйлап сыға.
Үҙҙәренән алда эшләгәндәрҙең һөнәри тәжрибәһе һәм белеме арҡаһында ғәмәлдәге полицейскийҙар илебеҙ граждандары мәнфәғәтендәге хеҙмәттәрен уңышлы алып бара. Антҡа тоғролоҡ, ватандаштары тураһындағы хәстәрлек, намыҫлылыҡ һәм принципиаллек – бөтә ошо сифаттар яҡшы традицияға һәм кесе быуындар өсөн күсәгилешлеккә әйләнә.
Эльвира БАҺАУЕТДИНОВА.
Агентство по печати и средствам массовой информации Республики Башкортостан.
Баш мөхәррир Э. Ф. БАҺАУЕТДИНОВА
Телефон
8(34770)2-00-05; 8(34770)2-00-32.
Электрон почта