Дилә Хәлимова – республика һөнәри оҫталыҡ конкурсы лауреаты

Сараны ябыу тантанаһы 14 мартта уҙҙы. Күп һанлы ҡатнашыусылар араһында “Миләш” балалар баҡсаһы тәрбиәсеһе Дилә Хәлимова танылыу яуланы – “Туған телдә уҡытҡан мәктәпкәсә белем биреү ойошмаһының йыл педагогы” республика конкурсы лауреаты булды.
Башҡортостан Республикаһынан 32 педагог ҡатнашлығындағы конкурста “Балалар менән педагогик сара” һәм “Ата-әсәләр менән мәғрифәтселек сараһы” этаптары йомғаҡтары буйынса 15 финалист һайлап алынды. Артабан улар оҫталыҡ дәресе һәм брифинг форматында һөнәрҙәрен күрһәтте.
“Ата-әсәләр менән мәғрифәтселек сараһы” конкурсында Дилә Хәлимованың ыңғай һөҙөмтәһен айырым билдәләп үтергә кәрәк – ул беренсе турҙа ҡатнашыусылар араһында иң яҡшы һөҙөмтә күрһәтте.
Мәғариф һәм фән министры Илдар Мәүлетбир-ҙин етәкселегендә үткән педагогик дебат биш лауреат өсөн һуңғы этап булды. Фекер алышыу барышында ҡатнашыусылар эш тәжрибәһе менән уртаҡлашты һәм Башҡортостан Республикаһында мәктәпкәсә белем биреүҙе үҫтереүҙең төп мәсьәләләрен тикшерҙе.
Светлана СЕРГЕЕВА әҙерләне.