Мәсетлеләр йәнә иң яҡшылар иҫәбендә

Конкурсҡа бөтәһе 356 кеше килде, улар төрлө жанрҙа 72 сығыш, шул иҫәптән 26 хореографик, 40 вокаль, 6 инструменталь ижади номер тәҡдим итте. Милли кейемдәрҙең, йырҙарҙың, бейеүҙәрҙең һәм музыка ҡоралдарының төрлөлөгө ҡабатланмаҫ байрам атмосфераһы тыуҙырҙы.
Мәсетле районынан “Йәйғор” бейеү ансамбле (фотола, етәксеһе – Лилиә Аллаярова), “Родничок” балалар өлгөлө ансамбле (Валентина Сизова) һәм “Өлгөр” өлгөлө бейеү коллективы (Зарифйән Ғарипов) сығыш яһаны. Конкурс йомғаҡтары буйынса беҙҙең ҡыҙҙар һәм малайҙар өс еңеүсе дипломы алып ҡайтты. “Хореография” номинацияһында I дәрәжә дипломға “Йәйғор” бейеү ансамбле лайыҡ булды, II дәрәжә дипломға – “Өлгөр” бейеү коллективы. “Вокал” номинацияһында II дәрәжә диплом менән “Родничок” балалар өлгөлө ансамбле бүләкләнде.

Беҙҙең хәбәрсе.