Мәҙәни баш ҡалаға сәфәр

Был ҡала бер ҡасан да ялҡытмай, сөнки унда һәр ваҡыт яңы күренештәр асырға, көтөлмәгән иҫтәлекле урындар осратырға һәм ҡала буйлап сәйәхәттән ләззәт алырға мөмкин.
Санкт-Петербург буйлап өс көнлөк сәйәхәт балаларҙың күңеленә айырыуса тәьҫир итте. Был турҙа уҡыусылар уның иң ҡыҙыҡлы иҫтәлекле урындарын күрҙе: Петропавловск ҡәлғәһе, легендар “Аврора” крейсеры, Исаакий соборы, кунсткамера, донъя сәнғәтенең ысын хазинаһы – Эрмитаж. Балалар күп төрлө картиналар, көҙгөләр һәм статуялар күрҙе. Былар барыһы ла үҙ матурлығы менән һоҡландырҙы, хайран ҡалдырҙы.
Экскурсия барышында балалар Екатерина һарайына барҙы, унда билдәле Гәрәбә бүлмәне һәм бөйөк рус шағиры Александр Пушкин уҡыған лицейҙы үҙ күҙҙәре менән күрҙе.
Балалар ҙур теләк менән Петербургтың гранит ярҙарынан йөрөнө, метрола хәрәкәт итеү үҙе ҙур ҡыҙыҡһыныу тыуҙырҙы. Был мауыҡтырғыс һәм файҙалы сәфәребеҙ өмөтләнеп яңы осрашыуҙар көткән балаларҙың хәтерендә оҙаҡ һаҡланасаҡ. Шуны ла билдәләп үтергә кәрәк, беҙҙең өсөн ошондай шәп экскурсия турын “Ника” туристик агентлығы етәксеһе Оксана Окунцева ойошторҙо.
Санкт-Петербург һәр баланың йөрәгендә яҡты эҙ ҡалдырҙы, ә сәфәргә сығыусылар берҙәм командаға әүерелде. Яңы осрашыуҙарға тиклем, Питер!
Татьяна СЫЧКИНА,
Оло Ыҡтамаҡ лицейы уҡытыусыһы.