-4 °С
Болотло
Бөтә яңылыҡтар
Балаларҙың йәйге ялы
6 Июль 2018, 12:09
Шифаханала көс туплайҙар
Июндең һуңғы көндәрендә беҙҙең райондан 15 бала Мәсетле ата-әсәләре менән балалар өсөн пульмонологик шифаханаһына урынлашты, унда улар ял итеп кенә ҡалмаясаҡ, ә һаулыҡтарын да нығытасаҡ. Путевканың хаҡы 23676 һум тора, шуның 19698 һумы вәкәләтле орган – Башҡортостан Республикаһы субвенцияһы иҫәбенә түләнә, 3978 һумы – ата-әсәләр иғәнәһе.
Гөлминаз Абдрахманова (12 йәш), Яңы Яуыш ауылы:
– Шифаханалағы һәр бер ял көнө – ул ваҡиғалар калейдоскобы. Талантлы вожатыйҙарыбыҙ беҙҙең өсөн конкурстар, ярыштар, дискотекалар уҙғара. Бында бик күңелле булһа ла, мин барыбер өйөмдө һағынам.
Әҙилә Ғүмәрова (13 йәш), Ясин ауылы:
– Бында миңә бик оҡшай. Бүлмәләр йәмле, көнөнә биш тапҡыр ашаталар. Бик тәмле бешерәләр. Беҙҙең “Йәйғор” отрядында 11 ҡыҙ һәм 18 малай. Беҙ барыбыҙ ҙа бер-беребеҙҙән позитив, ыңғай хис- тойғолар алып дуҫ, татыу бер ғаилә булып йәшәйбеҙ. Бында Баш-ҡортостандың төрлө мөйөштәренән күп дуҫтарым барлыҡҡа килде.
Айлина Шарапова (11 йәш), Оло Ыҡтамаҡ ауылы:
– Күңел асыу программаһынан тыш, бында беҙ һауыҡтырыу процедуралары үтәбеҙ. Мин тоҙ шахтаһына, ингаляцияға, физкабинет-ҡа, дауалаусы физкультураға һәм массажға йөрөйөм. Шулай уҡ миңә фитобар оҡшай, унда беҙҙе дарыу үләндәре менән әҙерләнгән һыу менән һыйлайҙар. Миңә дауалаусы табибым “Горец” сәйе һәм татлы тамыр коктейле тәғәйенләне.
Айгөл ӘФРИЗУНОВА.
Агентство по печати и средствам массовой информации Республики Башкортостан.
Баш мөхәррир Э. Ф. БАҺАУЕТДИНОВА
Телефон
8(34770)2-00-05; 8(34770)2-00-32.
Электрон почта