Мәсетле тормошо
+9 °С
Болотло
Бөтә яңылыҡтар
Бәлә булмаһын өсөн
4 Октябрь 2019, 13:30

“Ҡара кредиторҙар”ҙан һаҡ булығыҙ

Республикабыҙ райондарында законһыҙ эшмәкәрлек менән шөғөлләнеүселәр, шул иҫәптән ҡулланыусыларҙы алдап, улар-ҙың хоҡуҡтарын боҙған легаль булмаған кредит биреүселәр, финанс пирамидалары төҙөүселәр һаны арта.

Хоҡуҡ һаҡлау, контроль һәм күҙәтеү органдары финанстар баҙарында законһыҙ ғәмәлдәрҙе асыҡлау һәм ундай эшмәкәрлеккә юл ҡуймау буйынса саралар күрә. Был органдарға күберәк мәғлүмәт еткереү һәм уларҙың эшмәкәрлеген һөҙөмтәлерәк итеү маҡсатында Дыуан районының Мәсәғүт ауылында кәңәшмә уҙҙы.

Осрашыуҙың ойоштороусыһы – Башҡортостан Республикаһының Милли банкы бүлексәһе. Кәңәшмәлә республиканың төньяҡ-көнсығыш райондары хакимиәттәре, прокуратура, Роспот-ребнадзор, Федераль һалым хеҙмәте инспекцияһы, Федераль суд приставтары хеҙмәте идаралығы, Федераль антимонополия хеҙмәте, киң мәғлүмәт саралары, микрофинанс ойошмалары һәм банктар вәкилдәре ҡатнашты.

Милли банктың хәүефһеҙлек һәм мәғлүмәтте һаҡлау бүлеге баш эксперты Руслан Ивановтың һүҙҙәренсә, алдаусы компанияларҙың граждандарға кредит тарихын яҡшыртырға йәки кредит алыуҙа ярҙам тәҡдим итеүҙәре иң киң таралған мутлашыу схемаларының береһе булып тора. Һөҙөмтәлә мутлашыусылар клиенттары исеменән кредит ала йәки иҫәптәрендә бер нәмә лә ҡалдырмай. Бындай схемалар халыҡтың финанс белемһеҙлегенә һәм иғтибар-һыҙлығына иҫәпләнгән.

Мутлашыуҙарҙың тағы ла береһе – микрофинанс ойошмаһы исеме аҫтында эш итеүсе финанс пирамидалары. Иғтибарһыҙ клиент килешеү төҙөгәндә аҡсаһын Дәүләт реестрында тормаған, тимәк, Рәсәй Банкы контроле аҫтында булмаған компанияға биреүенә иғтибар итмәй.

Бынан тыш, бөгөн мутлашыу-сылар телефон, социаль селтәр-ҙәр аша, офистарҙа халыҡтың аҡсаһын алдап алалар.

Тармаҡтар вәкилдәре сығыштары йомғаҡтары буйынса артабанғы хеҙмәттәшлек юлдары билдәләнде. Легаль булмаған кредиторҙар, финанс пирамидалары эшмәкәрлеге финанс хеҙмәттәре менән ҡулланыусыларҙы алдап ҡына ҡалмай, ә эшҡыуарлыҡ мәҙәниәтен түбәнәйтә, республика һәм муниципаль власть органдары абруйына тап төшөрә, социаль проблемаларҙы киҫкенләштерә.

Рәсәй Милли банкының Баш-ҡортостан Республикаһы буйынса бүлексәһе, райондар хакимиәттәре һәм башҡа органдар граждандарҙы һаҡ булырға һәм финанс ойошмалары тураһында мәғлүмәтте Рәсәй Банкының www.cbr.ru сайтында финанстар баҙарында ҡатнашыусылар реестрында тикшерергә саҡыра. Әгәр берәй финанс ойошмаһының легаль булмаған эшмәкәрлек алып барыуын белеп ҡалһағыҙ, 8-800-250-40-72 телефоны буйынса Рәсәй Банкының йәмәғәт ҡабул итеү бүлмәһенә мөрәжәғәт итергә мөмкин (Рәсәйҙә шылтыратыу бушлай).