Радий Хәбиров Рәсәй президентын һайлау йомғаҡтарына үҙ фекерен белдерҙе

«Ошо тауыш биреүҙә илебеҙ үҙенең берҙәмлеген күрһәтте. Яҡшы кәйеф менән килгән, дөрөҫ тауыш биргән һайлаусыларыбыҙға рәхмәт белдерәм.

Барыбыҙ ҙа илебеҙҙең ҡаҙаныштары, киләсәге уртаҡ эшебеҙгә һәм лидерыбыҙ Владимир Владимирович Путинға, уның сәйәсәтенә бәйле икәнен аңлайбыҙ. Беҙ президенттың мөрәжәғәтнамәһендә билдәләгән пландарҙы ишеттек. Мөрәжәғәтнамәлә әйтелгәндәрҙең барыһы ла бйомға ашыр тип ышанам.

Алда беҙҙе яҡшы реаль эштәр көтә, һәм еңеү көтә, һәм ир-егеттәребеҙ иҫән- һау ҡайтһын», - тип билдәләне Радий Хәбиров.

Ул Рәсәй президентын һайлауҙа Башҡортостан һайлау комиссияларының эшен «бик яҡшы» баһаланы.