Оло Ыҡтамаҡ үҙәк район дауаханаһының мобиль төркөмө ойошмалар буйлап йөрөп вакцина ҡуя башланы. Мәҫәлән, район хакимиәте, милек менән идара итеү комитеты, Мәсетле мәғлүмәт-консультация үҙәге, “Ғаилә” үҙәге, “Социум” халыҡты хеҙмәтләндереү үҙәге, Мәсетле балалар шифаханаһы хеҙмәткәрҙәре “Гам-Ковид-Вак” вакцинаһының беренсе компонентын ҡуйҙыртты. Үҙәк район дауаханаһы хеҙмәткәр-ҙәренең 40 процентҡа яҡыны вакцина алған.
Ойошмаларҙан тыш, мобиль бригада райондың фельдшер-акушерлыҡ пункт-тарына сыға, унда табипҡа күренгәндән һуң, шунда уҡ вакцина ҡуйҙырырға мөмкин.
Прививкаға яҙылыу ҡатмарлы түгел: “Дәүләт хеҙмәттәре” порталында ябайлаштырылған форма буйынса, 2-13-48 телефоны буйынса регистратура аша, ауылдағы фельдшер йәки участка терапевы ярҙамында мөмкин. Поликлиникала вакцина 19-сы кабинетта ҡуйыла.
Коронавирус инфекцияһын үткәргәндәргә ярты йыл вакцина ҡуйҙырырға кәңәш ителмәй. Ә бына сирләгәндән һуң антиесемдәре етерлек булмағандарға прививка эшләтеү мөһим.
Вакцина оло йәштәгеләргә лә ҡуйыла. Уның хәүефһеҙлеге һәм һөҙөмтәлелеге тикшеренеүҙәр менән иҫбат ителгән. Ә дөйөм алғанда, прививка 18 йәштән рөхсәт ителә.
Коронавирус инфекцияһының өсөнсө тулҡынына юл ҡуймау өсөн барыбыҙ ҙа ҡуйылған талаптарҙы үтәргә тейешбеҙ: күп кеше йыйылған урындарға бармаҫҡа, сирлеләр менән бәйләнешкә инеү-ҙән һаҡланырға, битлек кейеп йөрөргә, арауыҡ һаҡларға һәм мөмкинселек булыу менән прививка эшләтергә.
Вакцина ҡуйҙырырғамы-юҡмы икәнлеген һәр кем үҙе хәл итә. Бында табип менән кәңәшләшеү мөһим. Ул сәләмәтлек торошон асыҡлап һәм сирҙәрегеҙҙән сығып һығымта бирә. Онотмағыҙ: прививка ғүмерҙәрҙе ҡотҡара. Үҙебеҙ һәм яҡындарыбыҙ тураһында хәстәрлек күрәйек.
Оло Ыҡтамаҡ үҙәк район дауаханаһының прививка ҡуйыу кабинеты байрам көндәрендә 5, 6 һәм 7 майҙа эшләйәсәк.
Ауылдарға вакцина ҡуйыу өсөн сығыу графигы:
4 май – Абдулла ауылы,
5 май – Теләш ауылы,
6 май – Яңы Мишәр ауылы,
11 май – Яңы Яуыш, Иҫке Мишәр ауылдары,
12 май – Мәләкәҫ ауылы,
14 май – Яңы Мөслим, Борғатъя ауылдары.