Юғары әҙерлек режимы көсәйтелә

Оло Ыҡтамаҡ үҙәк район дауаханаһы мәғлүмәттәре буйынса, 13 октябргә ҡарата коронавирус менән ауырыуҙың 158 осрағы теркәлгән: 37-һе лабораторияла раҫланған (һуңғы аҙнала – 7), 125-е рентген аша асыҡланған, 134 кеше һауыҡҡан, 23-ө дауалана (4-е стационар дауалана), бер кеше вафат булған.
Ултырыш йомғаҡтары буйынса, район биләмәһендә ауырыу осраҡтары арта барғанлыҡтан, ҡарар ҡабул ителде:
- 65 йәштән уҙған граждандарға иғтибар итергә, уларға битлек режимын һаҡлау, социаль арауыҡты күҙ уңында тотоу һәм үҙ-үҙеңде ҡурсалау тураһында аңлатыу эше алып барырға;
- учреждениеларҙа, ойошмаларҙа эпидемиологик ҡағиҙәләрҙе үтәү буйынса контролде көсәйтергә, эш биреүселәргә 65 йәштән уҙған хеҙмәткәрҙәренә ситтән тороп эшләргә кәңәш итергә;
- күп халыҡ ҡатнашлығы талап иткән ҙур мәҙәни сараларҙан баш тартырға;
- ауыл биләмәләре башлыҡтарына фельдшерҙар менән берлектә сирлеләргә амбулатор дауаланған ваҡытта табиптарҙың тәғәйенләүҙәрен аныҡ үтәүҙе аңлатыу эшен алып барырға;
- дөйөм ҡулланыу урындарында санитар эшкәртеү эшен дауам итергә;
- шәмбе, ауыл хужалығы йәрминкәһе көндәрендә, сауҙа объекттары, “күрше тауар” талаптарын үтәп, бер-берҙәренән биш метр арауыҡта торорға тейеш;
- һәр һатыу нөктәһенең һатыу-сыһында битлек, бирсәткә, дезинфекциялау сараһы булыуы мотлаҡ, ә һатып алыусы битлек кейергә һәм социаль арауыҡты һаҡларға тейеш;
- һәр шәмбе йәрминкә уҙған урында битлек һәм социаль арауыҡты һаҡлау талаптарын үтәү буйынса рейд уҙғарырға, һатыусыларға санитар-эпидемиологик ҡағиҙәләрҙе боҙған һатып алыусыларҙы хеҙмәтләндермәҫкә тәҡдим итергә;
- район биләмәһендә ярыштарҙы, ҡатнашыусылар һанын сикләп, тамашасыһыҙ уҙғарырға.