Район дауаханаһында - яңы баш табип

БР Һаулыҡ һаҡлау министрлығы бойороғо менән Оло Ыҡтамаҡ үҙәк район дауаханаһының баш табибы итеп Булат Әснәф улы Сәйетов тәғәйенләнде.

Ул 1984 йылдың 31 декабрендә Балтас районының Старотимкино ауылында тыуған.
“Табип-оториноларинголог” һөнәре буйынса Башҡорт дәүләт медицина университетын тамамлаған. Оло Ыҡтамаҡ ҮРД-һында 2009 йылдан эшләй. Быға тиклем баш табиптың ойоштороу-методик эше буйынса урынбаҫары, поликлиника мөдире вазифаларын үтәне.