Ете бала һәләк булған...

Рәсәй Ғәҙәттән тыш хәлдәр министрлығының Башҡортостан буйынса Баш идаралығынан хәбәр итеүҙәренсә, быйыл 3 майға ҡарата Башҡортостанда дүрт янғында ете бала һәләк булған, былтыр ошо уҡ осорға ҡарата – бер бала.

Янғындар Мишкә, Белорет, Бишбүләк һәм Дыуан райондарында шәхси йорттарҙа теркәлгән.

Ғәҙәттән тыш хәлдәр министрлығының Башҡортостан буйынса Баш идаралығы хеҙмәткәрҙәре өлкәндәрҙе уяу булырға саҡыра:

• Балаларҙы ҡарауһыҙ ҡалдырмағыҙ!
• Уларҙы янғында дөрөҫ эш итергә өйрәтегеҙ!
• Төндә бөтә электр приборҙарын һүндерегеҙ!
• Электр үткәргесен ҡарап, иҫкеһен алмаштырырға!
• Йортта янғын тураһында иҫкәртеүсе ҡорамал ҡуйырға һәм янғын һүндергес һатып алырға!

Балаға шәхси йортта янғын сыҡҡанда уның төп бурысы эвакуацияланыу икәнлеген аңлатығыҙ. Йәшенмәгеҙ, уйынсыҡ йәки бесәй артынан йүгермәгеҙ, ә йорттан сығығыҙ!

Хәүефһеҙлек һеҙҙән башлана!

Фото: Рәсәй Ғәҙәттән тыш хәлдәр министрлығының Башҡортостан буйынса Баш идаралығынан.